काठमाडाैँ- नेपाली कांग्रेसका केन्द्रीय सदस्य तथा सांसद मोहन आचार्यले जनसरोकारका विषयलाई प्राथमिकता दिन स्थानीय जनप्रतिनिधिलाई आग्रह गरेका छन्।
नेपाली कांग्रेस जिल्ला कार्यसमिति रसुवाद्वारा स्थानीय तहको निर्वाचन २०७९ मा विभिन्न पदमा निर्वाचित जनप्रतिनिधिलाई बधाई तथा सम्मान गर्न धुन्चेमा आयोजित कार्यक्रमलाई सम्बोधन गर्दै उनले सहभागितामै आयोजनाहरू अगाडि बढाउन जनप्रतिनिधिहरूलाई आग्रह गरे।
उनले भने, ‘स्थानीय सरकारसँग जनताका धैरै अपेक्षा हुन्छन्। गाउँको विकासलाई केन्द्रबिन्दुमा राखेर योजना बनाउनुपर्छ।’
कार्यक्रममा पार्टीका जिल्ला सभापति पेम्बा छिरिङ तामाङ, बागमती प्रदेशसभा सदस्यद्वय प्रभात तामाङ र प्रेम तामाङ, लामा कार्पु तामाङ र उपेन्द्र लम्सालसहितका विभिन्न तहका नेता तथा कार्यकर्ताको उपस्थिति थियो।
कार्यक्रममा उपस्थित नेताहरूले स्थानीय निर्वाचनको समीक्षा तथा आगामी संघ र प्रदेशको निर्वाचन केन्द्रित रहेर संगठन विस्तारलाई तीव्रता दिनुपर्ने धारणा राखे।
भर्खरै
लोकप्रिय
