बिजुलीको पोलमा मोटरसाइकल ठोक्किँदा वीरगञ्जमा एक जनाको मृत्यु

वीरगञ्ज – बिजुलीको पोलमा मोटरसाइकल ठोक्किँदा वीरगञ्जमा एक जनाको मृत्यु भएको छ।

मंगलबार बिहान साढे दुई बजे वीरगञ्ज–८ पानीटंकीमा ना ४६ प ३२९७ नम्बरको मोटरसाइकल अनियन्त्रित भइ बिजुलीको पोलमा ठोक्किएको थियो।

दुर्घटनामा परेर मोटरसाइकल चालक सोलुखुम्बुको सल्यान गाउँपालिका–२ घर भइ हाल वीरगञ्ज महानगरपालिका–८ मा डेरा गरी बस्ने १९ वर्षीय अनुप राईको मृत्यु भएको प्रहरीले जनाएको छ।

दुर्घटनामा गम्भीर घाइते भएका राईको उपचारको क्रममा नेशनल मेडिकल कलेजमा मृत्यु भएको पर्साका प्रहरी प्रवक्ता दिपक गिरीले जानकारी दिए।