बुटवल – मंसिर ४ मा हुने निर्वाचनका लागि निर्वाचन स्थलमा खटिने अधिकृत र कर्मचारीहरुले मतपत्र बुझ्ने र मतदानस्थल तयार गर्ने काम सुरु भएको छ।
रुपन्देही क्षेत्र नम्बर २ का लागि निर्वाचन सम्पन्न गर्न १ हजार ५४ कर्मचारी परिचालन भएको निर्वाचन कार्यालयका निर्वाचन अधिकृत उदवीर नेपालीले जानकारी दिए। नेपालीका अनुसार क्षेत्र नम्बर २ मा १३१ मतदान केन्द्रमध्ये ५ वटा अपाङ्गमैत्री र २ वटा अस्थायी मतदानस्थल कायम गरिएको छ।
निर्वाचन क्षेत्रको सबैभन्दा ठूलो मतदान केन्द्र रहेको लुम्बिनी बाणिज्य कलेजको मतदान केन्द्रलाई विभाजन गरी नवीन औद्योगिक कदरबहादुर माविमा ८ र साबिक लुम्बिनी बाणिज्य कलेजमा ८ वटा मतदानस्थल बनाउने निर्णय गरेको उनले बताए।
क्षेत्र नम्बर २ मा १ लाख २६ हजार ८०७ मतदाता रहेका छन्। जसमध्ये प्रदेश (क)मा ६३ हजार ५०३ र प्रदेश (ख)मा ६३ हजार ३०४ मतदाता छन्। त्यसैगरि प्रदेश (क) मा ६५ मतदान केन्द्र र (ख) मा ६६ मतदान केन्द्रको व्यवस्था गरिएको निर्वाचन कार्यालयले जनाएको छ।
भर्खरै
लोकप्रिय
