वीरगञ्ज – मालपोत कार्यालय पर्साका निमित्त प्रमुख कमोद तिवारीविरुद्ध अख्तियार दुरुपयोग अनुसन्धान आयोगले विशेष अदालतमा मुद्दा दर्ता गराएपछि मालपोत कार्यालय पर्साको कामकाज लथालिंग भएको छ।
तिवारीविरुद्ध अख्तियारमा मुद्दा दर्ता गराएसँगै उनी निलम्बनमा परेका छन्। तिवारी निलम्बनमा परेसँगै मालपोत कार्यालय पर्सा वीरगञ्जको कामकाजसमेत प्रभावित भएको छ।
माघ २० गते अख्तियारले तिवारीविरुद्ध मुद्दा दर्ता गराएसँगै उनी निलम्बनमा परेका हुन्। पर्साको साविक गाबिस बेल्वा–८ मा रहेको जग्गाको श्रेष्ता ब्यक्तिको नाममा कायम गरेको आरोपमा मालपोत कार्यालय पर्साका निमित्त प्रमुख तिवारीसहित पाँच जनाविरुद्ध भ्रष्टाचार मुद्दा दायर भएको छ।
मालपोत प्रमुख नहुँदा दैनिक आउने सेवाग्राही रित्तो हात फर्किन बाध्य भएका छन्। यसैगरी, एक दिनमै हुने कार्यका लागि तीन चार दिनसम्म लाग्ने गरेको सेवाग्राहीको गुनासो छ। मालपोत प्रमुख नै कार्यालयमा नभएपछि विभिन्न किसिमका लिखत पारित, नामसारी, दाखिल खारेजलगायत कार्य ठप्प छ।
ठूलो संख्यामा सेवाग्राहीको भीड लाग्ने मालपोत कार्यालय पर्सा अहिले प्रमुखविहीन हँुदा सेवाग्राही कामै नगराई फर्किन बाध्य भएको ओमप्रकाश यादवले बताए। उनले प्रमुख कार्यालयमा नहँुदा कसैको नामसरी, कसैको जग्गा बिक्रीदेखि मुद्दाको कार्यसमेत रोकिएको बताए।
भर्खरै
लोकप्रिय
