काठमाडौं-उपत्यकाको लोपोन्मुख यः सिं गुं पर्व आजबाट सुरु भएको छ। शनिवारबाट भीमसेन स्थान परिसरमा महिलाहरुद्वारा लिंगो ठड्याएर पर्व सुरु भएको हो। यो पर्व अबको एक महिनासम्म चल्नेछ।
महिलाहरुलाई जागरुक बनाउन र अघि सार्नका लागि सांकेतिक रुपमा यो पर्व मनाइने गरिन्छ।
आज बिहान ८ बजेर ५८ मिनेटको शुभ साईतमा लिंगो ठड्याएर यो पर्वको शुरुवात गरिएको हो।
पर्वको बारेमा बोल्दै सम्पदा संरक्षण समाज नेपालका अध्यक्ष सुरज सायमीले परापूर्वकालद्खि चलिरहेको यो पर्व २५ वर्ष रोकिएपछि पुनः सुरु गरिएको बताए।
उनले महिला सशक्तिकरणलाई जोड दिनका लागि यो पर्व सुरु गरिएको बताएका हुन्।
उनले भने,‘यो परापूर्वकालद्खि चलिरहेको थियो। २६ वर्ष पहिला विविध कारणले रोकिन पुग्यो। २५ वर्षपछि महिला दिदिबहिनीलाई नै अघि सारेर यो शुरु गरेका हौँ । परम्परालाई संसारभर देखाउन सकियोस् भन्ने हो। यो दुर्लभ पर्व हो। यसमा महिला सशक्तिकरणलाई जोड दिएका छौँ । आज शुरु भएको छ, एक महिनासम्म चन्द्रज्योती दीप दिन्छौँ।’
त्यस्तै पर्वमा सहभागी महिला रञ्जु तपालीले महिलालाई जागरुक बनाउनका लागि यो पर्व शुरु गरिएको बताइन्।
उनले २५ वर्ष पहिला रोकिएको यो पर्वलाई महिला सशक्तिकरणका लागि पुनः शुरु गरिएको बताइन्।
भर्खरै
लोकप्रिय
