अ
+
अ
अ
-
काठमाडाैँ- नेकपा(एकीकृत समाजवादी)का सांसद राजेन्द्रप्रसाद पाण्डेले एनसेलको शेयर खरिद बिक्री नभई खरिद बिक्रीको नाटक मात्रै गरिएको बताएका छन्।
शुक्रवार राज्य व्यवस्था तथा सुशासन समितिको बैठकमा पाण्डेले एनसेलको शेयर खरिद बिक्री नभएको टिप्पणी गरे। उनले शेयर खरिद बिक्री नभई खरिद बिक्रीको नाटक मात्रै गरिएको बताए।
पहिल्यै सम्बन्धित व्यक्तिको श्रीमतिको नाममा २० प्रतिशत शेयर रहेको उल्लेख गर्दै उनले अर्को कम्पनी खडा गरेर श्रीमानको नाममा ८० प्रतिशत शेयर लिनु नै नाटक भएको उनको भनाइ छ। यस प्रकरणमा राज्यले गम्भिरतापूर्वक ध्यान पुर्याउनु पर्ने पाण्डेले बताए।
सांसद पाण्डेले संघीय मामिला तथा सामान्य प्रशासन मन्त्रालयले सुशासन कायम गर्न नसकेको बताएका छन्। उनले कर्मचारी परिचालनको सम्बन्धमा मन्त्रालयबाट नकारात्मक काम भइरहेको बताए।
भर्खरै
लोकप्रिय
