केरलाको सबरीमला मन्दिरमा सबै उमेर समूहका महिलालाई प्रवेशमा फुकुवा गरेपछि भएको विवादकाबिच भारतको केन्द्र सरकार भारतीय जनता पार्टी (भाजपा) को राज्य इकाईको समर्थनमा लागेको छ ।
भाजपाको राज्य इकाई पछिल्लो समय सबरीमला मन्दिरमा १० देखि ५० वर्ष उमेरका महिलालाई प्रवेशमा रोक लगाउन नहुने भन्दै सर्वोच्च अदालतले गरेको फैसलाको विरोधमा रहेकाहरुको पक्षमा आएको छ ।
केन्द्र सरकारले आफ्ना मन्त्री अल्फोन्स कन्ननथनमलाई केरलाको वामपन्थी सरकारमाथि सबरीमलामा आउने श्रद्धालुका लागि आधारभुत सुविधाको राम्रो व्यवस्था गर्न दबाब दिने जिम्मेवारी सुम्पिएको छ ।
केन्द्र सरकारले सबरीमलाका लागि १०० करोड भारु को कोष जारी गरेकाले आफू निरीक्षणका लागि त्यहाँ पुगेको मन्त्री अल्फोन्सले बताएको भन्दै बिबिसी हिन्दीले खबर प्रकाशित गरेको छ ।
यात्रुको सुविधाका लागि राज्य सरकारले कुनै रकम खर्च गरेको नदेखिएको भन्दै मन्त्री अल्फोन्सले आलोचना गरे । केरलाका भाजपा महासचिव के सुरेन्द्रन तथा हिन्दु नेता केपी शशिकला पक्राउ परेपछि केन्द्र सरकारले मन्त्री अल्फोन्सलाई त्यहाँ पठाएको हो ।
केरला सरकारले अक्टोबरमा भड्किएको हिंसापछि स्वामी अयप्पाको धार्मिक स्थल सबरीमलामा राति बस्न नपाउने नियम लागु गरेको छ ।
तर भाजपाका नेताहरु श्रद्धालु बनेर रातिमा बस्न गएका थिए, त्यहि कारण प्रहरीले उनीहरुलाई पक्राउ गरेको हो । तर मन्त्री अल्फोन्सले भने राज्य सरकारको यो नियम तानाशाही रहेको आरोप लगाए ।
भर्खरै
लोकप्रिय
