विराटनगर – माघे संक्रान्तिका अवसरमा सुनसरीस्थित बराह क्षेत्र र झापाको माइधारमा श्रद्धालुहरुले उल्लेख्य सहभागिता जनाएका छन् । धार्मिक आस्थासहित मोक्ष प्राप्त, रोगब्याधीबाट जोगिनका लागि संक्रान्तिका अवसरमा सो क्षेत्रमा स्नानका लागि घुइँचो लाग्ने गरेको हो।
सोही क्रममा सुनसरीको वराह क्षेत्रमा मन्दिर किनारामा रहेको कोकाह र कोशीको संगम स्थलमा मकर नुहाउने श्रद्धालुहरुको भीड रहने गर्दछ। मकर संक्रान्तिका अवसरमा हरेक वर्ष यस क्षेत्रमा धार्मिक मेला समेत लाग्ने गरेको छ।
यसैगरि झापाको माइधारमा पनि मकर नुहाउने श्रद्धालुहरुको भीड रहेको छ। इटहरीबाट मकर स्नानका लागि माइधार पुगेका बुलेट खतिवडाले यसपटक धार व्यस्थित बनाइएको बताउँछन।
माघे संक्रान्तिका दिन विशेष गरी पूर्वको बराह क्षेत्र, सुनसरी खोला, बुढीगंगा खोला, कन्काइमाइ लगायतका क्षेत्रमा पूजापाठका लागि श्रद्धालु भक्तजनहरुको भीड लाग्ने गर्दछ।
भर्खरै
लोकप्रिय
