काठमाडौं – मुग्लिन–नारायणगढ सडक खण्ड शनिबारदेखि दैनिका ६ घण्टा बन्द गर्न थालिएको छ । सडक विस्तार तथा निर्माणको कामलाई तीब्रता दिन शनिबारदेखि दैनिक ६ घण्टा यातायातका साधन चलाउन रोक लगाउन थालिएको मुग्लिन–नारायणगढ सडक आयोजनाले जनाएको छ ।
अब यो सडकमा बिहान १० देखि दिउँसो ४ बजेसम्म गाडी चलाउन दिइने छैन । रातिमा गाडी चलाउन रोकेर सडक विस्तार तगा मर्मतको काम भइरहे पनि कामले गति लिन नसकेपछि दिउँसोमै गाडी बन्द गरेर काम गर्न थालिएको हो ।
सडक विस्तारको क्रममा चट्टान काट्नेलगायत जोखिमपूर्ण काम हुने भएकाले गाडी रोक्नुपरेको आयोजना प्रमुख चन्द्रनारायण यादवले जानकारी दिए । दिउँसो बाटो बन्द हुने भएकाले वैकल्पिक सडक प्रयोग गर्न आयोजनाले आग्रह गरेको छ ।
यो सडक विस्तारको लागि तीन पटक समय थपिए पनि अझै पूरा भएको छैन । आउँदो चैतसम्म काम सक्ने आयोजनाले बताए पनि निर्माण कम्पनीले सडक निर्माणको काम पूरा हुन नसक्ने बताउँदै आएको छ ।
अहिले बाटो बन्द भएसँगै नारायणगढ काठमाडौंसहितका ठाउँका लागि आउँदै गरेका गाडी दासढुंगा नजिकै र काठमाडौंसहितका ठाउँबाट गएका गाडी मुग्लिन बजार भन्दा वरै रोकिएका छन् ।
भर्खरै
लोकप्रिय
