काठमाडौं – पूर्व पहाडी क्षेत्रमा सोमबार दिनभर आंशिक बदली रहने जल तथा मौसम पूर्वानुमान महाशाखाले जनाएको छ । त्यसक्षेत्रमा अहिले पनि आंशिक बदली रहेको र दिनभर यस्तै रहने सम्भावना रहेको मौसमविद समिर श्रेष्ठले जानकारी दिए ।
यस्तै तराईका क्षेत्रमा बिहानैदेखि हुस्सु लागेको छ । दिनभर नै हुस्सु कायम रहने देखिएको उनले जानकारी दिए । पूर्वी पहाडी र तराईका क्षेत्र बाहेक अरु ठाउँको मौसम सफा रहेको र दिनभर नै सफा नै रहने मौसमविद श्रेष्ठले बताए ।
केही दिनदेखि न्युनतम तापक्रम केही कम भएको र बढ्न नथालेकाले बिहान बेलुका चिसो भएको उनको भनाई छ । सोमबार बिहान काठमाडौं उपत्यकाको न्युनतम तापक्रम २.४ डिग्री मापन गरिएको छ ।
अझै केही दिन न्युनतम तापक्रम यस्तै रहने भएकाले बिहान बेलुका चिसो नै हुनेछ । तर अधिकतम तापक्रम भने बिस्तारै बढ्न थालेकाले दिउँसोमा केही न्योनो बढ्दै गएको छ । तत्काल पानी पर्ने सम्भावना भने नरहेको मौसम पूर्वानुमान महाशाखाले जनाएको छ ।
भर्खरै
लोकप्रिय
