हुम्ला, सिमकोट – मानसरोवर कैलाशको सिजन सुरु भएयता एकै दिन ३०५ जना पर्यटक सिमकोट विमानस्थलमा ओर्लिएका छन् ।
नेपालगञ्जबाट उनीहरु सिमकोट पुगेका हुन्, एकै दिनमा त्यहाँ पुगेका पर्यटकको यो संख्या अहिलेसम्मकै बढी हो । मासरोवर कैलाश जानेको चाप बढ्दा र मौसमले साथ दिँदा एक दिनमा यति धेरै पर्यटकहरु भित्रिएका हुन् ।
शुक्रबार नेपालगञ्जबाट सिमकोटका लागि ३०५ जना भारतीय पर्यटकहरु भित्रिएको विमानस्थल प्रहरीले जनाएको छ । यो संख्या हालसम्मकै सबै भन्दा बढी एक दिनमा पर्यटक जिल्लामा भित्रिएका हुन । यस अघि एक दिनमा दुई सयसम्म पर्यटक भित्रिएका थिए ।
शुक्रबार १४३ जना महिला र १६२ जना मानसरोवर कैलाश जाने भारतीय पर्यटक नेपालगञ्जबाट सिमकोट ओर्लिएका हुन् । यी पर्यटक ओसार्न नेपालगञ्जबाट सीता, तारा र समिट एयरका जहाजले २५ उडान गरेका थिए ।
सिमकोटबाट हिल्सा पनि हालसम्मकै सबै भन्दा बढी ४५ पटक भन्दा बढी हेलिकोप्टरले उडान भरेका थिए । गत जेठ ४ गतेदेखि मानसरोवर कैलाश जाने यात्रु भित्रिन सुरु भएको थियो ।
भर्खरै
लोकप्रिय
