काठमाडौं – देशको पश्चिमी क्षेत्रमा आइतबार सामान्यतया मौसम बदली रहेको जल तथा मौसम पूर्वानुमान महाशाखाले जनाएको छ । यस्तै देशका अरु ठाउँमा पनि आंशिक बदली हुनेछ ।
पश्चिमका केही क्षेत्रमा पानी पर्ने सम्भावना पनि रहेको मौसमविदले बताएका छन् । यस्तै उच्च पहाडी तथा हिमाली क्षेत्रमा हिमपातको सम्भावना पनि रहेको छ ।
पश्चिमी न्यून चापिय प्रणाली र अरब सारगरबा आएको दक्षिण पश्चिमी वायुको प्रभावले बदली भएको हो । पश्चिमबाट भित्रिएको पश्चिमी वायु विस्तारै पूर्व जाने भएकाले देशका धेरै ठाउँमा आंशिक बदली हुने अनुमान गरिएको मौसमविदले बताए ।
तर काठमाडौं उपत्यका भने बिहानैदेखि घाम लागेको छ । पिश्चिमी न्यून चापिय प्रणालीको प्रभाव दिउँसोदेखि पर्ने र बादल लाग्न थाल्ने मौसमविद शान्ति कँडेलले जानकारी दिइन् ।
बेलुकादेखि काठमाडौं उपत्यकासहित मध्य तथा पूर्वका क्षेत्रमा पनि बदली हुने उनले बताइन् । उनका अनुसार पश्चिमी न्यून चापिय प्रणालीको प्रभाव एक दुई दिन रहने देखिएको छ ।
भर्खरै
लोकप्रिय
