सिमकोट– हुम्लाको ताँजाकोट गाउँपालिकाको केन्द्र रहेको छप्रेला बजारमा गतसाता भएको पहिरो पीडित व्यापारीले त्रिपालमुनि पसल थापेका छन्।
पहिरोले पसलसहितको घर भत्काएपछि उनीहरुले त्रिपालमुनि सामान बेच्न थालेका हुन्।
छप्रेलामा स्टेस्नरी पसल चलाउँदै आएका जगत शाहीले पहिरोले १७ जना व्यापारीको पसलमा क्षति पुगेपछि अहिले त्रिपालमुनि पसल थापेको बताए। तर पानी पर्दा सामान भिज्ने डर रहेको उनको भनाइ छ।
दैनिक गुजरा चलाउनका लागि पालमुनि भएपनि पसल थापेको उनले बताए।
बाढी पीडित सबै घरधुरीले हाल पालिका केन्द्र रहेको छप्रेलामा निर्माण गरिएको हेलिप्याडमा पाल टाँगेर ब्यापार गरिरहेका छन्। पानी पर्दा सामान भिज्ने र सामानलाई बचाएर राख्न भने कठिन हुँदै आएको उनीहरुको गुनासो छ।
पहिरो पीडितसहित व्यापारीलाई कर्णाली प्रदेश सरकारले राहत वितरण गरेको छ। प्रदेश सरकारका सामाजिक विकास मन्त्री दल रावलको नेतृत्वको टोली राहत वितरणका लागि पुगेको थियो।
भर्खरै
लोकप्रिय
