मूलसडकमा हरियो पोतेर ललितपुरमा छुट्याइयो साइकल लेन

ललितपुर- ललितपुर महानगरलाई साइकलमैत्री बनाउने योजना स्वरुप अहिले महानगर भित्रका मुख्य तथा प्रमुख सहायक सडकहरुमा साइकल लेन व्यवस्थित गर्ने काम भइरहेको छ।

नेपाल साइकल सोसाइटीको संयोजनमा ललितपुर महानरपालिकाले व्यवस्थित साइकल लेन बनाइरहेको हो।

यसअघि नै मुख्य सडकहरुमा लेन छुट्याइएको अहिले साइकल लेन स्पष्ट देखिने गरी सडक किनारमा हरियो रंग पोत्ने काम भइरहेको छ।

जावलाखेल, पुल्चोकसहितको क्षेत्रका सडकमा हरियो रंग पोत्ने काम भइसकेको छ। बाँकी क्षेत्रहरुमा पनि काम जारी रहेको नेपाल साइकल सोसाइटीका राकेश महर्जनले जानकारी दिएका छन्।

हरियो रंग लगाएर साइकल लेन बनाइए पनि अहिलेसम्म अधिकांश साइकल चालकलाई यसबारे थाहा भने भइसकेको छैन ।

ट्राफिक प्रहरीले साइकल लेनबारे जानकारी गराउने क्रम भने जारी राखेको छ।