धनगढी – कञ्चनपुरमा विवाहको भोज खाएका ३४ जना बिरामी परेका छन् । वेदकोट नगरपालिका २ बसन्थलामा शुक्रबार बिहेको भोज खाएपछि बिरामी हुनेको संख्या ३४ पुगको हो ।
शुक्रबार वेदकोट नगरपालिका वडा नम्बर २ बसन्तथलाका स्थानीयको गाउँमै विवाहको भोज खाएका स्थानीयहरु बिरामी परेका हुन् । वेदकोट नगरपालिकाका मेयर अशोक कुमार चन्दको नेतृत्वमा बिरामी परेका ३४ जनालाई उपचारका लागि महाकाली अस्पताल पुर्याइएको छ ।
उनका अनुसार बिरामी परेका २९ जनालाई शुक्रबार राति नै अस्पताल पुर्याएको र शनिबार बिहान थप पाँचजनालाई अस्पताल लगिएको छ ।
नगर प्रमुख चन्दले बिहे भोज खाएका सबै बिरामी परेका बताए ।
३४ जना अस्पतालमा रहेको र अरु केहीले घरमै नजिकैको क्लिनिकबाट औषधि लिएको उनले बताए ।
उनीहरुमा ज्वरो, पखाला र वान्ता लाग्ने समस्या देखिएपछि सबैको महाकाली अस्पतालमा उपचार भइरहेको छ। उनीहरुलाई फूड प्वइजन भएको र अहिले उनीहरुको अवस्था सामान्य रहेको अस्पतालले जनाएको छ ।
भर्खरै
लोकप्रिय
