अ
+
अ
अ
-
काठमाडौँ – गृह सचिव महेश्वर न्यौपानेले मुस्ताङको लोमाङ्थाङ नेचुङमा निर्माण हुने सशस्त्र प्रहरी बल नेपालको बोर्डर आउट पोस्ट (बिओपी) को शिलान्यास गरेका छन्।
सशस्त्र प्रहरी महानिरीक्षक शैलेन्द्र खनालसहित नेचुङ पुगेका सचिव न्यौपानेले बुधबार सो भवनको शिलान्यास गरेका हुन्।
गएको जेठ १५ गते भन्सार कार्यालय र कृषि क्वारेन्टाइनको भवनमा स्थापित बिओपी सदरमुकाम जोमसोमबाट १ सय ९ किलोमिटरको दूरीमा समुद्र सतहबाट करिब ४ हजार २ सय मिटरको उचाइमा छ।
२४ कोठाको मौसम अनुकुलको हुने भवन करिब साढे ६ करोडको लागतमा एक वर्ष भित्र निर्माण भइसक्ने जनाइएको छ।
हालसम्म देशभर सशस्त्र प्रहरी बलका १ सय १८ वटा बिओपी स्थापना भएका मध्ये उत्तरी सिमानामा सातवटा रहेका छन्।
भर्खरै
लोकप्रिय
