काठमाडौँ – नेपाल कम्युनिष्ट पार्टी (नेकपा) का अध्यक्ष पुष्पकमल दाहाल प्रचण्डले गृहमन्त्री रामबहादुर थापा बादलसँग भेटवार्ता गरेका छन् ।
बादललाई भेट्न प्रचण्ड मन्त्री निवास पुल्चोक नै पुगेका हुन् । बालद र प्रचण्डबिच १० मिनेट जति कुराकानी भएको बताइएको छ । त्यसअघि बादलले आफू पक्षीय नेताहरुसँग परामर्श गरेका थिए ।
प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले प्रतिनिधिसभा विघटन गरेपछि प्रचण्ड तथा नेता माधवकुमार नेपाल पक्षका मन्त्रीहरुले आइतबार सामूहिक राजीनामा दिएका थिए ।
तर पूर्व माओवादीका तर्फबाट मन्त्री बनेका बादल र लेखराज भट्टले भने राजीनामा दिएनन् । भट्टले आफ्नो साथ प्रधानमन्त्री ओलीलाई रहेको स्पष्ट पारेका छन् ।
बादल पनि ओलीकै पक्षमा रहेका बताइन्छ । तर उनी सोमबार बिहान बालुवाटारमा भएको भेलामा नगई आफू पक्षका नेतासँग पुल्चोकमै परामर्शमा जुटेका थिए ।
भर्खरै
लोकप्रिय
