काठमाडौँ – श्रम, रोजगार तथा सामाजिक सुरक्षामन्त्री कृष्णकुमार श्रेष्ठले मजदुरका कुनै समस्या भए मन्त्रालयमा लिएर आउन आग्रह गरेका छन्।
काठमाडौँमा शनिबार भएको एक कार्यक्रममा मन्त्री श्रेष्ठले मजदुरका कुनै पनि समस्या भए मन्त्रालयमा लिएर आउन विभिन्न संघसंस्थाहरुलाई आग्रह गरेका हुन्।
उनले आफू मन्त्रायलमा केही लिनको लागि नभई श्रमिक र श्रम मन्त्रालयमा केही गरौँ भन्ने उद्देश्यले आएको बताए। ‘श्रमिक क्षेत्र र श्रम मन्त्रालयमा केही गरौँ भन्ने उद्देश्य लिएर आएको छु, म केही लिउँ भन्ने उद्देश्यले आएको छैन’, मन्त्री श्रेष्ठले भने, ‘मजदुरहरुको विषयमा पनि समस्या लिएर आउनुस्। राम्रा कुरा पनि नराम्रा कुरा पनि लिएर आउनुस्। दुःखसुखका कुरा पनि लिएर आउनुस्, के गर्न सकिन्छ हातेमालो गरेर अघि बढ्नको लागि म सधैँ तयार छु।’
उनले फोहोर व्यवस्थापनमा सक्रिय रहेका संघसंस्थाहरुलाई राज्यले पनि विशेष महत्व दिनुपर्ने बताए।
मोर्डन इण्डियन स्कुलको पूर्वविद्यार्थी समाजले काठमाडौं उपत्यकाको फोहोर व्यवस्थापनमा लागेका विभिन्न २१ संघसंस्थाका करिव ७ सयभन्दा बढी श्रमिकहरुलाई ट्रयाकसुट वितरण गरेको हो।
भर्खरै
लोकप्रिय
