आजको मौसम : पश्चिम तराईमा हुरी चल्ने, पूर्व र मध्य क्षेत्रमा बदली

काठमाडाैँ – पूर्व तथा मध्य क्षेत्रको मौसम बुधबार सामान्यता बदली हुने जल तथा मौसम पूर्वानुमान महाशाखाले जनाएको छ ।

स्थानीय वायुको प्रभावका कारण पूर्व र मध्य क्षेत्रमा दिनभर नै मौसम सामान्यतया बदली हुने देखिएको मौसमविद मञ्जु पौडेलले बताएकी छन् ।

पश्चिम तथा सुदूरपश्चिमका पहाडी क्षेत्रमा आंशिक बदली हुने देखिएको उनले बताएकी छन् । पूर्व र मध्य क्षेत्रमा पानी पर्ने सम्भावना पनि रहेको उनले बताएकी छन् ।

यस्तै पश्चिम र सुदूर पश्चिमका पहाडी क्षेत्रमा पनि हल्का पानी पर्ने सम्भावना छ ।

मंगलबार राति काठमाडौँसहितका ठाउँमा मध्य स्तरको पानी परेको छ । यस्तै बुधबार बेलुका तिर पनि मेघ गर्जनसहित पानी पर्ने सम्भावना छ । यस्तै पश्चिमको तराई क्षेत्रमा बेलुका तिर हुरी चल्ने सम्भावना रहेको छ ।