अ
+
अ
अ
-
काठमाडौँ – प्रहरीले काठमाडौँको नयाँ बसपार्कबाट रेडपाण्डाको छालासहित एकजनालाई पक्राउ गरेको छ।
रुकुम पश्चिम घर भई नयाँ बसपार्क मित्रनगरमा रहेको होटलमा बस्दै आएका २६ वर्षका नवराज केसीलाई पक्राउ गरिएको प्रहरीले जनाएको छ।
आइतबार बेलुका पक्राउ परेका केसीको साथबाट रेडपाण्डाको छाला पनि बरामद गरिएको महानगरीय प्रहरी परिसर ललितपुरले जनाएको छ।
ललितपुर प्रहरीका अनुसार ललितपुर महानगरपालिका १३ एकान्तकुनामा एक युवक रेड पान्डाको छाला लुकाईछिपाई बेचबिखन गर्न बसेको छ भन्ने विशेष सूचनाको आधारमा पिछा गर्दै जाँदा केसीलाई नयाँ बसपार्कस्थित होटलबाट नियन्त्रणमा लिइएको हो।
केसीलाई थप अनुसन्धान तथा कारबाहीका लागि डिभिजन वन कार्यालय हात्तिसार काठमाडौँमा पठाइएको प्रहरीले जनाएको छ।
भर्खरै
लोकप्रिय
