काठमाडौँ- एक ब्यूटी प्याजेन्टका क्रममा आफूमाथि यौन दुर्व्यवहार भएको दाबीसहित सामाजिक सञ्जालमा एक युवतीले भोडियो पोस्ट गरेसँगै उक्त भिडियो यतिबेला सामाजिक सञ्जालमा भाइरल बनेको छ।
उनले आफूमाथि ब्युटी प्याजेन्टका क्रममा होटलमा बलात्कार भएको भिडियोमार्फत दाबी गरेकी छन्।
उनले सामाजिक सञ्जालमा पोस्ट गरेको उक्त भिडियोमा शोषण गर्नेमा एक जना फोटोपत्रकार र कन्सल्टेन्सी सञ्चालक रहेको दाबी गरेकी छन्।
सामाजिक सञ्जालमा उनको भिडियो सार्वजनिक भएसँगै विभिन्न तहका व्यक्तिहरुले अपराधीलाई कार्बाही गर्न माग गरिरहेका छन्।
यता नेपाल प्रहरीले भने बास्तविक घट्ना के हो भन्नेबारे बुझिरहेको नेपाल प्रहरीका प्रवक्ता विष्णुकुमार केसीले बताएका छन्।
‘हामीले सामाजिक सञ्जाल मार्फत उक्त घट्ना थाहा पायौं। सुरुमा त घट्ना के हो भन्ने बारे हामीले बुझ्नु पर्यो। त्यसपछि अनुसन्धानको क्रम सुरु हुन्छ,’ उनले भने, ‘उहाँले कुनै लिखित उजुरी त दिनुभएको छैन तर पनि यो अलिक गम्भिर विषय देखियो त्यसैले घट्ना के हो बुझेर प्रहरीले अनुसन्धान गर्छ।’
युवतीले भिडियोमा आफूभन्दा अग्रज मानिएका र ब्युटी पेजेन्ट जितेकाहरुसँग सहयोग मागे पनि कसैले चासो नदिएको बताएकी छन्।
उक्त भिडियोमा युवतिले नाम लिएकी फोटोपत्रकारले भने उक्त घट्नामा आफ्नो नाम जोडिएकोप्रति फेसबुकमार्फत आपत्ति जनाइसकेका छन्।
उक्त घट्नामा आफ्नो संलग्नता नरहेको समेत ती फोटोपत्रकारले उल्लेख गरेका छन्।
भर्खरै
लोकप्रिय
