वीरगञ्ज – पर्सा क्षेत्र नम्बर ३ को (ख) मा सत्ता गठबन्धनका दल नेपाली कांग्रेस र नेकपा एकीकृत समाजवादीले छुट्टाछुट्टै उम्मेदवारी दर्ता गराएका छन्।
उक्त क्षेत्रमा कंग्रेसबाट जनार्द्धन सिंह क्षेत्रीले उम्मेदवारी दिएका छन् भने एकीकृत समाजवादीबाट प्रह्लाद गिरीले उम्मेदवारी दर्ता गराएका छन्। क्षेत्री कांग्रेसका पर्सा जिल्ला सभापति हुन्। उनी २०७४ को निर्वाचनमा गिरीसँग पराजित भएका थिए।
गिरी तत्कालीन संघीय समाजवादी फोरम नेपालबाट प्रदेशसभा सदस्यमा निर्वाचित भएका थिए। यसपटक उनी आफू निर्वाचित भएको दल त्यागेर नेकपा एमाले प्रवेश गरे पनि टिकट नपाएपछि एकीकृत समाजवादीमा प्रवेश गरेका थिए।
उनीहरुमध्ये कसले उम्मेदवारी फिर्ता लिन्छन् भन्ने विषयलाई पर्सामा चासोका साथ हेरिएको छ।
मंगलबार बसेको सत्ता गठबन्धनको बैठकले भोलि दिउँसो १ बजेसम्म बागीलाई उम्मेदवारी फिर्ता लिन निर्देशन दिएको छ।
भर्खरै
लोकप्रिय
