काठमाडौँ- काठमाडौंको बाँसबारीमा युलेन्स स्कुलले दोस्रो युनिट सुरु गरेको छ।
बाँसबारीमा रहेको युलेन्सको दोस्रो युनिट शनिबारबाट संचालनमा आएको हो। नेपाली कांग्रेसकी केन्द्रीय सदस्यसमेत रहेकी सांसद आरजु राणा देउवाले उद्घाटन गरेकी हुन्। उनी युलेन्स स्कुल व्यवस्थापन समितिकी अध्यक्षसमेत हुन्।
बाँसबारीमा रहेको उक्त स्कुलले कक्षा १ देखि ८ सम्म यसै शैक्षिक सत्रदेखि कक्षा सञ्चालन गर्नेछ। युलेन्स स्कुलको पहिलो युनिट सन् २००६ बाट ललितपुरको खुमलटारबाट सञ्चालन हुँदै आएको छ।
उद्घाटन कार्यक्रममा बोल्दै राणाले गुणस्तरीय शिक्षामा दिलाउने उद्देश्यले १७ वर्ष अघि युलेन्स स्कुलको स्थापना गरिएको र अहिले दोस्रो युनिट खोल्न अभिभावक, कर्मचारी, युलेन्स फाण्डेशनलगायत सबैको मेहनतका कारण सफल भइएको बताएकी छन्।
कार्यक्रममा चिनियाँ राजदूत चेन सङले युलेन्स स्कुलले नेपालमा गणस्तीय शिक्षामा महत्वपूर्ण योगदान पुर्याएको बताएका थिए।
काठमाडौंको बाँसबारीमा सुविधासम्पन भवन सञ्चालन हुने युलेन्स स्कुलले काठमाडौंको उत्तरी क्षेत्रलाई मध्यनजर गर्दै दोस्रो युनिट सुरु गरेको हो। युलेन्स स्कुल गैर नाफामुलुक स्कुल हो।
भर्खरै
लोकप्रिय
