भारतबाट आएका चार जनामा देखियो कोरोना

नेपालगञ्ज – भारतबाट आएका चार जनामा कोरोना पुष्टि भएको छ। भारतको गढवाल, चेन्नाई, लखनऊ र हिमाञ्चलबाट आएका चार जनालाई कोरोना पुष्टि भएको हो।

नेपालगञ्ज नाकामा बिहीबार सय जनाको परीक्षण गर्दा चार जनामा कोरोना देखिएको नेपालगञ्ज उपमहानगरपालिका स्वास्थ्य महाशाखाका जनस्वास्थ्य निरीक्षक तेज वलीले जानकारी दिए।

भारतबाट आउने नेपालीको नेपालगञ्ज नाकामा कोरोना जाँच गर्ने गरिन्छ। पछिल्ला दिनमा भारतबाट आउने व्यक्तिमा कोरोना देखा परिरहेको छ।