काठमाडौँ – नेपाल प्रहरीले ललितानिवासको जग्गा प्रकरणमा पक्राउ परेकाहरुमाथि संगठित अपराध मुद्दामा पनि अनुसन्धान अघि बढाएको छ।
पक्राउ परेकाहरुले सरकारी कागजात किर्ते गरेर १३४ रोपनी जग्गा हडपेको भन्दै ९ जनाविरुद्ध प्रहरीले संगठित अपराधको कसूरमा म्याद थपेको हो।
नेपाल प्रहरीको केन्द्रीय अनुसन्धान ब्यूरो स्रोतका अनुसार पक्राउ परेकाहरुलाई संगठित अपराधको कसूरमा अनुसन्धान गर्न जिल्ला अदालत काठमाडौँले ७ दिनको म्याद दिएको छ । पछिल्लो समय पक्राउ परेका ९ जनाविरुद्ध नै संगठित अपराधमा अनुसन्धान हुने भएको हो।
ललिता निवासको सरकारी कागजात कीर्ते गरी विभिन्न व्यक्तिहरूको नाममा गरेको प्रकरणमा असार १२ गते प्रहरीले ७ जनालाई पक्राउ गरेको थियो। ७ जनामध्ये तीन जनाले सर्वोच्चबाट निषेधाज्ञाको लिएको पाएपछि उनीहरूलाई सोही दिन ब्यूरोले छाडेको थियो।
हाल भाटभटेनी सुपरमार्केटका सञ्चालक मीनबहादुर गुरुङ, पूर्व निर्वाचन आयुक्त सुधीर शाह, मालपोतका तत्कालीन कर्मचारी धर्मप्रसाद गौतम, गोपाल कार्की, तत्कालीन वडा सचिव शिवजी भण्डारी, नापी सर्वेक्षक घमनकुमार कार्की र मोही बाबुराम महर्जनलगायतका ९ जना हिरासतमा रहेका छन्।
पक्राउविरुद्ध सर्वोच्च अदालतबाट निषेधाज्ञाको आदेशविरूद्ध केन्द्रीय अनुसन्धान ब्यूरोले आजै भ्याकेट निवेदनसमेत पेश गरेको छ।
भर्खरै
लोकप्रिय
