अमेरिकामा एक महिलाले रेडियोमा लाइभ कार्यक्रम सञ्चालन गर्दैगर्दा बच्चा जन्माएकी छन् ।
अमेरिकाको सेन्ट लुइसमा रहेको द आर्च रेडियो स्टेसनकी कार्यक्रम सञ्चालक क्यासीडे प्रोक्टरले लाइम कार्यक्रम सञ्चानल गरेकै बेला सन्तान जन्माएकी हुन् । यो कार्यक्रम चाउनका लागि स्टेशनमा विशेष व्यवस्था गरिएको थियो ।
सोमबार प्रोक्टरलाई प्रसव बेथा लागेको थियो । त्यसपछि रेडियो स्टेसनले अस्पताल भित्रैबाट कार्यक्रम सञ्चालनको व्यवस्था मिलायो । उनले कार्यक्रम चलाउँदै गर्दा बच्चा जन्माइन् । उनले यो अनुभव निकै उत्कृष्ट रहेको बताएको बिबिसीले जनाएको छ ।
बच्चाको जन्म डाक्टरले दिएको मिति भन्दा अघि नै भएकाले रेडियो कार्यक्रम चलाउँदै गर्दा विशेष व्यवस्था गर्नु परेको हो ।
प्रोक्टरले भनिन्, ‘आफ्नो जीवनको यस्तो महत्वपूर्ण क्षण श्रोतासँग बाँड्न पाउनु निकै शानदार कुरो हो । यो मेरो जीवनको अहिलेसम्मकै राम्रो अनुभव बनेको छ ।’
लाइभ कार्यक्रमको क्रममा बच्चा जन्माउनु आफ्नो कामको बिस्तार रहेको उनले बताएकी छन् । आफ्नो जीवनको हरेक क्षण श्रोतासँग साट्ने गरेको उनको भनाई छ ।
प्रोक्टरले आफ्नो छोराको नाम जेमसन राखेकी छन् । उनले श्रोतासँग सल्लाह लिएर यो नाम राखेकी हुन् ।
बच्चा जन्मिनु पहिलेनै रेडियोमा बच्चाको नामका बारेमा भोटिङ भइरहेको थियो ।
कार्यक्रम निर्देशक स्कट रोडीले एक पत्रिकासँग भनेका छन्, ‘प्रोक्टर दम्पतीले छानेका १२ नामका लागि हामीले भोटिङ गरेको थियो । बच्चाको जन्मसम्म भोटिङ गर्दा जेमसनले बढी मत पायो र नवजात शिशुको नाम त्यहि राखियो ।’
प्रोक्टरसँगै कार्यक्रम सञ्चालन गर्ने को–होस्टले यो निकै दाजुगरी अनुभव रहेको बताएका छन् । प्रोक्टर अब केही समय सुत्केरी बिदामा बस्ने छिन् ।
भर्खरै
लोकप्रिय
