काठमडौँ – मंसिर ४ गते हुने चुनावका लागि ललितपुर ३ नछाड्न नेतृत्वलाई कांग्रेस नेताहरुले निरन्तर दबाब दिएका छन्।
ललितपुरका तीन निर्वाचन क्षेत्रमध्ये कांग्रेस, माओवादी केन्द्र र एकीकृत समाजवादीले एक एकवटा लिने सहमति बाहिरिए पनि कांग्रेसभित्र त्यसले असन्तुष्टि छाएको छ।
बुधबार रातिसम्म भएको सहमतिअनुसार ललितपुर १ कांग्रेस, २ मा एकीकृत समाजवादी र ३ मा माओवादी केन्द्रले पाउने भएका छन्।
तर ३ नम्बर क्षेत्र कुनै पनि हालतमा अरु दललाई नदिन प्रधानमन्त्री समेत रहेका सभापति शेरबहादुर देउवालाई नेताहरुले दबाब दिएका छन्।
उक्त क्षेत्रबाट माओवादीले पम्फा भुसाललाई उम्मेदवार बनाउँदैछ भने कांग्रेसबाट केन्द्रीय सदस्य जितजंग बस्नेत उठ्ने तयारीमा छन्।
बुधबार साँझ बालुवाटार पुगेर बस्नेतसहितका नेताहरुले देउवालाई ललितपुर ३ कांग्रेसकै भाग पार्न दबाब दिएका छन्। जवाफमा देउवाले आफू कोसिस गरिरहेको र अझै पनि कांग्रेसकै भागमा पार्न प्रयत्न गर्ने बताएका छन्।
भर्खरै
लोकप्रिय
