काठमाडौँ – इटहरी उपमहानगरपालिकाका पूर्वमेयर द्वारिकलाल चौधरी नेकपा माओवादी केन्द्रमा प्रवेश गरेका छन् ।
अध्यक्ष पुष्पकमल दाहाल प्रचण्डले आफ्नो निवास खुमलटारमा बाेलाएर उनलाई पार्टी प्रवेश गराएका हुन् ।
चौधरी नेकपा एमालेवाट निर्वाचित पूर्वमेयर हुन् । स्राेतका अनुसार उनी आगामी मंसिर ४ गते हुने प्रदेशसभा निर्वाचनमा माओवादीबाट प्रदेश सांसदको निर्वाचन लड्ने तयारीमा छन् ।
उनीसँगै देवु सदा, जयराम सदा, पुरेक सदा, भूमिनारायण चौधरी, खुशीलाल चौधरी, सूर्यनारायण चौधरीलगायत नेता तथा कार्यकर्ता एमाले छोडेर माओवादी प्रवेश गरेका हुन् ।
पूर्वमेयर चाैधरी माओवादी केन्द्रमा प्रवेश गर्ने हल्ला चलिरहँदा उनले भने शनिबार मात्रै त्यस कुराकाे प्रतिकार गरेका थिए ।
शनिबार उनले सामाजिक सञ्जाल ट्वीटरमार्फत उनले ‘बरु राजनीति छाड्ने तर एमाले नछाड्ने एमालेभित्रै संघर्ष गरेर बस्ने’ बताएका थिए ।
बरु राजनिति छोड्छु एमाले छोड्दिन ।एमालेभित्रै बसेर सङ्घर्ष गर्छु।धन्याबाद
— द्वारिकलाल चौधरी (@chaudari_33) October 1, 2022
भर्खरै
लोकप्रिय
