काठमाडौँ – विवेकशील साझा पार्टीका निवर्तमान प्रवक्ता शरदराज पाठकले पार्टी परित्याग गरेका छन्।
कार्यसम्पादन समिति सदस्यसमेत रहेका पाठकले सोमबार पार्टी अध्यक्षलाई राजीनामा पत्र बुझाएका हुन्।
पूर्व अध्यक्ष रवीन्द्र मिश्र निकट मानिन्छन्, तर मिश्रकै बाटोमा राप्रपामा जाने कि नजाने भन्ने अलमलमा रहेको निकटवर्तीहरू बताउँछन्।
‘विवेकशील साझा पार्टीबाट अलग हुँदै गर्दा यस पार्टीको तर्फबाट २०७४ सालको प्रतिनिधिसभा सदस्य निर्वाचनमा चितवन क्षेत्र नं ३ बाट उम्मेदवार रहँदा म र पार्टीप्रति आशा र विश्वाससहित मतदान गर्नुहुने सम्पूर्ण मतदातालाई पुनः एक पटक हार्दिक धन्यवाद ज्ञापन गर्दछु।’
उनले राजीनामा पत्रमा लेखेका छन्,‘विवेकशील साझाबाट अलग भएतापनि विगत ५ बर्षमा हामीले प्रमुखताका साथ उठाएका अर्थ राजनीतिक तथा राजनीतिक सामाजिक एजेण्डा प्रवर्द्धन र स्थापित गर्न म आगामी दिनमा पनि सक्रिय राजनीतिक मैदानमै रहने कुरा यस पार्टीका सम्पूर्ण आदरणीय सहकर्मी, पूर्व सहकर्मी एवम् मेरा शुभेच्छुक/शुभचिन्तकहरूलाई जानकारी गराउँछु।’
भर्खरै
लोकप्रिय
