दाङ – नेकपा एमालेले दाङका तीन निर्वाचन क्षेत्र मध्ये २ वटा निर्वाचन क्षेत्रमा महिला उम्मेदवार तय गरेको छ ।
दाङ-१ बाट शान्ता चौधरी र दाङ-३ बाट कोमल वली उम्मेदवार भएका छन् भने दाङ-२ बाट शंकर पोखरेलको उम्मेदवारी पर्ने भएको छ ।
दुवै महिला उम्मेदवार यसअघि समानुपातिकबाट प्रतिनिधिसभा र राष्ट्रियसभा सदस्य थिए ।
राप्रपा त्यागेर एमाले प्रवेश गरे लगत्तै गायिका तथा सञ्चारकर्मी समेत रहेकी वलीलाई क्रमशः राष्ट्रियसभा सदस्य हुन र प्रतिनिधिसभा सदस्यको उम्मेदवार हुन बाटो खुलेको छ ।
यता, एमालेकी नेतृ गंगा चौधरी (सत्गौवा)ले स्वतन्त्र उम्मेदवारी दिने भएकी छन् ।
एमालेबाट पूर्वसांसद्समेत रहेकी चौधरीले दाङ-१ बाट स्वतन्त्र उम्मेदवारी दिने घोषणा गरेकी हुन् ।
पार्टीले एउटै निर्वाचन क्षेत्र परेकी शान्ता चौधरीले टिकट दिने निर्णय गरेका कारण आफूले नपाउने भएपछि उनले स्वतन्त्र उम्मेदवारीकाे घाेषणा गरेकी हुन् ।
भर्खरै
लोकप्रिय
