सुनसरी जिल्लामा प्रतिनिधि र प्रदेशसभा निर्वाचनका लागि ५ लाख ४४ हजार ९ सय ४१ मतदाता रहेको जिल्ला निर्वाचन कार्यालय सुनसरीले जनाएको छ ।
कार्यालयका अनुसार ४ वटा निर्वाचन क्षेत्र रहेको सुनसरीमा क्षेत्र नम्बर २ मा सर्वाधिक १ लाख ४९ हजार ५ सय ६६ जना मतदाता रहेका छन् । सो क्षेत्र अन्तर्गत प्रदेश सभा तर्फ १ मा इटहरी उपमहानगरपालिकाको विभिन्न १० वटा वडा, रामधुनी नगरपालिकाको दुई वटा वडाबाट गरि कुल ८० हजार ४ सय ३७ मतदाता छन् ।
त्यसैगरी, प्रदेश सभा २ मा इनरुवा नगरपालिकाको विभिन्न ६ वटा वडा, देवानगञ्ज गाउँपालिका, रामधुनी नगरपालिकाको ४ वटा वडा र हरिनगरा गाँउपालिकाको ३ नम्बर वडाबाट गरी कुल ६९ हजार १ सय २९ मतदाता रहेका छन् । कार्यालयले शनिबार दिएको जानकारी अनुसार सुनसरीको निर्वाचन क्षेत्र नम्बर १ मा कुल १ लाख ४१ हजार ८ सय ७८ मतदाता रहेका छन् । सो क्षेत्रको प्रदेश सभा १ मा धरान उपमहानगरपालिकाको विभिन्न १५ वटा वडाबाट ७१ हजार ३ सय ४० र प्रदेश सभा २ तर्फ धरानकै ५ वटा वडा, बराह नगरपालिकाको ५ वटा वडा, र रामधुनी नगरपालिकाको २ वटा वडा बाट कुल ७० हजार ५ सय ३८ मतदाता संख्या रहेका छन् ।
१ लाख २८ हजार ६५ मतदाता रहेको क्षेत्र नम्बर ४ को प्रदेश सभाको १ तर्फ ६७ हजार ६ सय ३३ मतदाता रहेको कार्यालयले जनाएको छ । प्रदेश सभा १ मा कोशी गाउँपालिका, रामधुनी नगरपालिकाको ४ नम्बर वडा र बराह नगरपालिकाको विभिन्न ६ वटा वडा छन् ।
त्यसैगरी, प्रदेश सभा २ तर्फ इनरुवा नगरपालिकाको ३ वटा वडा, भोक्राह नरसिंह गाउँपालिका, र हरिनगरा गाँउपालिकाको विभिन्न ६ वटा वडा कार्यालयबाट ६० हजार ४ सय ३२ जना मतदाता छन्।
जिल्लामा सबैभन्दा कम मतदाता संख्या क्षेत्र नम्बर ३ मा रहेको कार्यालयले जनाएको छ । कार्यालयले सो क्षेत्रमा कुल १ लाख २५ हजार ४ सय ३२ मतदाता रहेको जनाएको छ । जसमा प्रदेश १ तर्फ इटहरी उपमहानगरपालिकाको विभिन्न १० वटा वडा, इनरुवाको वडा नम्बर ७, गढी गाँउपालिकाको १ नम्बर वडा र दुहबी नगरपालिकाको ५ वटा वडाबाट ६१ हजार ८ सय १० मतदाता रहेकाछन् । सो क्षेत्रको प्रदेश सभा २ तर्फ गढी गाँउपालिकाको ६ वटा वडा, दुहबी नगरपालिकाको ७ वटा वडा, र बर्जु गाँउपालिकाबाट गरी ६३ हजार ६ सय २२ मतदाता संख्या छन्।
भर्खरै
लोकप्रिय
