काठमाडौँ – ललितपुर जिल्लामा प्रतिनिधिसभा र प्रदेशसभा निर्वाचनका लागि १ हजार आठ जना म्यादी प्रहरी परिचालन गरिने भएको छ।
ललितपुर जिल्ला प्रहरी कार्यालयका प्रमुख वरिष्ठ प्रहरी उपरीक्षक यज्ञविनोद पोखरेलका अनुसार उनीहरूलाई तालिम दिन थालिएको छ।
ललितपुरका विभिन्न नौ स्थानमा उनीहरूको तालिमको व्यवस्था गरिएको छ।
१० दिनको तालिमपछि उनीहरूलाई आवश्यकताअनुसार मतदान केन्द्रमा परिचालन गरिने जिल्ला प्रहरी कार्यालय ललितपुरले जनाएको छ।
वरिष्ठ प्रहरी उपरीक्षक पोखरेलले नियुक्त गरिएका म्यादी प्रहरीमध्ये ६ सय ७ जना पुराना म्यादी प्रहरी रहेको बताए।
सरकारले हरेक निर्वाचनमा सुरक्षाको आवश्यक व्यवस्था मिलाउन म्यादी प्रहरी परिचालन गर्दै आएको छ। पूर्वसुरक्षाकर्मी, पुराना म्यादी प्रहरीलाई प्राथमिकता दिएर म्यादी प्रहरी छनोट गर्ने प्रावधान छ।
मंसिर ४ गते हुने प्रतिनिधिसभा र प्रदेशसभाको निर्वाचन हुँदै छ।
भर्खरै
लोकप्रिय
