दलहरूले आजबाट चुनावी सभा गर्न पाउने

काठमाडाैँ – आगामी मंसिर ४ गतेका लागि तय भएकाे प्रदेश तथा प्रतिनिधिसभा निर्वाचनलाई लक्षित गर्दै विभिन्न राजनीतिक दल तथा उम्मेदवारले जुलुस, आमसभा र कोणसभा गर्न पाउने भएका छन् ।

निर्वाचन आयोगले बिहीवार (कात्तिक १७ गते)देखि मंसिर १ गतेसम्म प्रचारप्रसारका लागि समयावधि तोकेको छ । साेही अनुसार दलहरूले आजबाट प्रचार-प्रसारका कामहरू(जुलुस, आमसभा र कोणसभा) गर्न पाउने भएका हुन् ।

आजबाट खुला प्रचारको समय सुरु भएपछि दलका शीर्ष नेताहरूको चुनावी दौडाहा तीब्र बनेको छ ।