धनुषामा सुरु भयो मतदान, मतदाता उत्साहित

जनकपुरधाम – धनुषाको सबै मतदानस्थल तथा मतदानकेन्द्रमा मतदान सुरु भएको छ । धनुषामा प्रत्यक्ष तर्फ प्रतिनिधिसभाका ४ र प्रदेशसभाको ८ निर्वाचन क्षेत्रका लागि मतदान हुँदैछ ।

जिल्लाको ३२२ मतदानस्थल तथा ६०५ मतदान केन्द्रमा मतदान भइरहेको छ । धनुषाका ३२२ मतदानस्थल मध्ये अतिसंवेदनशील १९४ वटा, संवेदनशील १११ र वटा १७ सामान्य मतदान स्थल रहेका छन् ।

जिल्लामा २ लाख ५२ हजार ९१५ पुरुष, २ लाख २१ हजार ६६५ महिला र अन्य ७ गरी कूल ४ लाख ७४ हजार ५८७ जनाले आ–आफ्नो मताधिकारको प्रयोग गर्ने भएका छन् ।