सिमकोट – कर्णाली प्रदेशका मुख्यमन्त्री जीवनबहादुर शाहीले गत मंसिर ४ गते भएको चुनावमा झण्डै १९ लाख रुपैयाँ खर्च भएको विवरण पेश गरेका छन्।
हुम्ला प्रदेशसभा ‘ख’ बाट निर्वाचित नेपाली कांग्रेसका नेता शाहीले शुक्रबार निर्वाचन आयोगमा खर्चको विवरण पेश गरेका हुन्। हाल प्रदेश राजधानी सुर्खेतमा रहेका उनले आफ्ना प्रतिनिधिमार्फत सिमकोटस्थित निर्वाचन कार्यालयमा खर्चको विवरण बुझाएका हुन्।
उनले चुनावमा १८ लाख ८९ हजार रुपैयाँ खर्च भएको जानकारी गराएका छन्। उनले बुझाएको विवरणमा प्रतिनिधि व्यवस्थापनमा ५ लाख १० हजार, यातायात खर्च ४ लाख ८० हजार, प्रचार सामाग्रीका लागि ६ लाख ७९ हजार, गोष्ठी अन्तर्क्रियामा १ लाख २० हजार, सम्पर्क कार्यालय सञ्चालनमा ८० हजार र मतदाता नामावली प्रिन्टका लागि २० हजार रुपैयाँ खर्च भएको उल्लेख छ।
प्रदेशसभा सदस्य निर्वाचनका लागि निर्वाचन आयोगले २३ लाख रुपैयाँसम्म खर्च गर्न पाउने व्यवस्था गरेको थियो।
भर्खरै
लोकप्रिय
