काठमाडौँ – एमाले नेता भीम रावलले आउँदो मंसिर ४ गते हुने प्रतिनिधिसभा चुनावमा टिकट नपाउने भएका छन्।
अछाम १ बाट अघिल्लोपटक चुनाव जितेका रावललाई यसपटक एमालेले कुनै पनि क्षेत्रबाट टिकट नदिने निर्णय गरेको हो।
अध्यक्ष केपी शर्मा ओलीले सुरदुरपश्चिम प्रदेशको संघ र प्रदेशतर्फको टिकट फाइन गरे पनि रावलको नाम कुनै पनि क्षेत्रका नतोकिएको एमाले स्रोतले जानकारी दियो।
अछाम १ मा एमालेल झपट बोहोरालाई टिकट दिने भएको छ। माओवादी केन्द्र छोडेर एमाले प्रवेश गरेका बोहोरा एमाले केन्द्रीय सदस्य एवं अछाम इन्चार्ज हुन्।
रावल जिल्लाबाट एकल सिफारिस भए पनि दश बुँदे सम्झौता गरेर एमालेमै बसेका रावललाई अध्यक्ष ओलीले टिकट नदिएका हुन्। माधव नेपाललाई ओलीका कमदविरुद्ध लड्न अन्तिम समयसम्म साथ दिएका रावल विभाजनमा नजाने भन्दै दश बुँदे सहमति गरेर एमालेमै बसेका थिए।
गत मंसिरमा सम्पन्न एमालेको दशौं राष्ट्रिय महाधिवेशनमा अध्यक्ष पदमा ओलीविरुद्ध उम्मेदवारी दिएका थिए। त्यस्तै एमालेले अछाम–२ मा यज्ञ बोगटीलाई टिकट दिएको छ।
भर्खरै
लोकप्रिय
