काठमाडौँ – एमाले वरिष्ठ उपाध्यक्ष ईश्वर पोखरेलले पार्टीले घोषणापत्रमा उल्लेख गरेका प्रतिबद्धता कार्यान्वयन गरिछाड्ने बताएका छन्।
काठमाडौं क्षेत्र नम्बर ५ मा सोमबार चुनावी घरदैलो कार्यक्रमका क्रममा उनले काठमाडौं ५ का जनताले आफूलाई अत्यधिक बहुमत दिएर जिताए एमालेले चुनावी घोषणापत्रमा गरिएका प्रतिबद्धता कार्यान्वयन गर्ने बताए।
उनले काठमाडौँ क्षेत्र नम्बर ५ का मतदाता एमालेका उम्मेदवारले सकारात्मक प्रतिक्रिया दिइरहेको पनि बताए।
उनले ०७४ सालको निर्वाचनमा उम्मेदवार हुँदा गरेका प्रतिबद्धता सबै पूरा गरेको दाबी गरे।
उनले भने, ‘काठमाडौं क्षेत्र नं. ५ का मतदाताको एमालेका उम्मेदवारप्रति सकारात्मक प्रतिक्रिया पाएका छौँ। यो क्षेत्रमा २०७४ सालको निर्वाचनमा उम्मेदवार हुँदा जे प्रतिबद्धता जनाएका थिए। ती प्रतिबद्धताअनुरुप सबै काम गर् यौँ । काठमाडौँ ५ का जनताले एमालेलाई मत दिएर जिताए एमालेले निर्वाचन घोषणापत्रमा गरिएका प्रतिबद्धता कार्यान्वयन गरेर जानेछौँ।’
काठमाडौँ क्षेत्र नम्बर ५ प्रतिनिधि सभा सदस्यका उम्मेदवार पोखरेलले चुनावी घरदैलो कार्यक्रम निरन्तर गरिरहेका छन्।
पोखरेलका घरदैलो कार्यक्रममा नायिका करिश्मा मानन्धरसमेत सहभागी थिइन्।
भर्खरै
लोकप्रिय
