सप्तरी २ को (क) मा जनमत अगाडि, मधेस सरकारका अर्थ मन्त्री दोस्रो स्थानमा

जनकपुरधाम – प्रदेशसभा तर्फ सप्तरी निर्वाचन क्षेत्र नम्बर २ को (क) मा जनमत पार्टीले सुरुवाति अग्रता लिएको छ । मधेस प्रदेशको प्रदेशसभाका लागि उम्मेदवार रहेका जनमत पार्टीका सतिश कुमार सिंह ७३१ मतसहित सुरुवाति अग्रता लिएका हुन् ।

यस्तै, मधेस सरकारका अर्थमन्त्री जसपाका शैलेन्द्र प्रसाद साह १५२ मत ल्याएका हुन् भने लोसपाका सरोज कुमार मण्डलले समेत १५२ मत ल्याएका छन् ।

यस्तै सप्तरी २ को (ख) मा समेत जनमत पार्टीको अग्रता रहेको छ । जनमतका महेश प्रसाद यादवले ५३७ मत ल्याएका हुन् भने माओवादी केन्द्रका उमेश कुमार यादवले ३०८ र जसपाका लक्ष्मण यादवले १८३ मत ल्याएर तेस्रो स्थानमा रहेका छन् ।

प्रतिनिधिसभा तर्फ समेत यहाँ जनमत पार्टीकै अग्रता रहेको छ । हाल यहाँ मतगणना जारी रहेको छ।