वीरगञ्ज – पाँच दलीय बाम लोकतान्त्रिक गठबन्धनबाट पर्सा क्षेत्र नम्बर १ मा उम्मेदवार रहेका लक्ष्मण लाल कर्णको जमानत जफत भएको छ।
लोकतान्त्रिक समाजबादी पार्टीका नेता रहेका कर्णले गठबन्धनबाट उम्मेदवार भई जमानत समेत जोगाउन सकेनन्।
उनले १ हजार ११७ मत मात्रै प्राप्त गरे ।यस क्षेत्रमा कुल मतदाता ७७ हजार ९३३ रहेकामा ५१ हजार ३७९ मत खसेको थियो । कर्ण मधेसका पुराना नेता हुन ।सदभावना पार्टीबाट नै निरन्तर मधेसबादी दलमा आबद्ध रहदै आएका उनी ०७४ सालको निर्बाचनमा पर्सा क्षेत्र नम्बर ४ बाट साँसदमा निर्बाचित भएका थिए।
तर,यसपालि पाँच दलबीच गठबन्धन हुदा कर्ण आबद्ध रहेको दल लोसपाले क्षेत्र नमबर १ पाएपछि उनी क्षेत्र परिबर्तन गरि यहाँबाट लडेका थिए ।पाँच दलको साथ पाउने आशामा लडेका कर्णको जमानत समेत जफत भएको हो ।लोसपाको भने क्षेत्र नम्बर १ मा सँगठन नै थिएन ।
उनलाई पाँच दलले समेत साथ दिएनन ।यस क्षेत्रमा एमाले जसपा गठबन्धनबाट उम्मेदवार बनेका जसपाका नेता एवम् पुर्ब बन मन्त्री प्रदिप यादवले २२ हजार ५३७ मत ल्याएर बिजयी भए ।
उनका निकटतम प्रतिद्वन्दी स्वतन्त्र उम्मेदवार अजय द्विबेदीले २० हजार ९१७ मत प्राप्त गरे ।काँग्रेसबाट टिकट नपाएपछि द्विबेदी स्वतन्त्रबाट उठेका थिए ।०७४ सालमा पनि यादव नै यो क्षेत्रबाट जितेका थिए ।
भर्खरै
लोकप्रिय
