काठमाडौँ – नेकपा एमालेको केन्द्रीय कार्यालय बैठक आज बस्दै छ। बैठक दिउँसो १ बजे पार्टी केन्द्रीय कार्यालय च्यासल, ललितपुरमा बस्न लागेको पार्टीका केन्द्रीय प्रचार विभाग उपप्रमुख विष्णु रिजालले जानकारी दिए।
मंसिर ४ को आम निर्वाचनपछि पहिलो बैठक बस्न लागेको बैठकमा निर्वाचनको समीक्षा हुने रिजालले बताए। महासचिवको नेतृत्वमा रहेको ११ सदस्यीय केन्द्रीय कार्यालयमा तीन उपमहासचिव र सात सचिव रहेका छन्। केन्द्रीय कार्यालयले पार्टीको नियमित काम र गतिविधि हेर्न गर्छ।
आजको बैठकले केन्द्रीय सचिवालय बैठकको एजेन्डा तय गर्ने बताइएको छ। केन्द्रीय सचिवालयको बैठकअघि एमालेको केन्द्रीय कार्यालय बैठक बस्ने गर्छ। बैठकमा समानुपातिकको बन्द सूचीबारे पनि आवश्यक छलफल हुने बताइएको छ।
निर्वाचन आयोगले मंगलबार समानुपातिकतर्फको मत परिणाम सार्वजनिक गरिसकेको छ।
एमालेले प्रतिनिसभामा प्रत्यक्षतर्फ ४४ र समानुपातिकतर्फ ३४ सिटसहित ७८ सिट प्राप्त गरेको छ।
भर्खरै
लोकप्रिय
