दाङ – दाङ जिल्लामा चार लाख चार लाख १४ हजार ९ सय ५६ मतदाता मतदानमा सहभागी हुँदै छन्। दुई लाख ३ हजार ९ सय ८ पुरुष र २ लाख ११ हजार ४६ महिला, दुई जना अन्य गरी चार लाख १४ हजार ९ सय ५६ जना मतदाता निर्वाचनमा भाग लिँदै छन्।
दाङ निर्वाचन क्षेत्र नं १ मा एक लाख ३४ हनार ७३३ मतदाता छन्। प्रदेश एकमा ७० हजार २६७, दुईमा ६४ हजार ४६६ मतदाता छन्। क्षेत्र नं २ मा एक लाख ३३ हजार ७४८ मतदाता छन्।
प्रदेश एकमा ६३ हजार ३२२ र प्रदेश दुईमा ७० हजार ४२६ मतदाता रहेका छन्। क्षेत्र नं ३ मा एक लाख ४६ हजार ४७५ मतदाता छन्। प्रदेश १ मा ६६ हजार ४८६ र दुईमा ७९ हजार ९८९ मतदाता छन्।
जिल्लामा ९० जना उम्मेदवार चुनावी मैदानमा छन्। मुख्य निर्वाचन अधिकृतको कार्यालयले प्रतिनिधि सभा तथा प्रदेश सभा सदस्य निर्वाचन २०७९ को मतदान विहान ७ बजेदेखि अपराह्न ५ बजे सम्म चल्नेछ।
जिल्लाको एक सय ५३ मतदान स्थलभित्र ४ सय ६५ मतदान केन्द्रमा मतदान केन्द्र निर्माणको काम सकिएको मुख्य निर्वाचन अधिकृत कृपासुर कार्कीले जानकारी दिए।
क्षेत्र नं १ मा एक सय ५२ मतदान केन्द्र छन् । जहाँ एक हजार दुई सय १६ कर्मचारी खटिएका छन् । क्षेत्र नं २ मा एक सय ४५ मतदान केन्द्र छन् । जहाँ एक हजार ७४ कर्मचारी खटिएका छन् । क्षेत्र नं ३ मा एक सय ६८ मतदान केन्द्र छन् । जहाँ करिब एक हजार तीन सय ३६ कर्मचारी खटिएका छन् ।
भर्खरै
लोकप्रिय
