जनकपुरधाम – सप्तरीको निर्वाचन क्षेत्र नं. २ मा प्रतिनिधिसभा र प्रदेशसभामा जनमत पार्टीको अग्रता कायमै रहेको छ। मतगणना सुरु भएपछि सुरुवाती अग्रता कायम गरेको जनमत पार्टीले प्रतिनिधिसभा र प्रदेशको दुबै क्षेत्रमा आफ्नो अग्रतालाई बढाउँदै गएको छ।
प्रतिनिधिसभातर्फ पार्टीका अध्यक्ष डा सीके राउतले ३ हजार ९७५ मतसहित पहिलो स्थानमा छन् भने जनता समाजवादी पार्टीका अध्यक्ष उपेन्द्र यादव १ हजार ७१६ मत ल्याएका हुन् ।
यस्तै, पाँचदलीय गठबन्धनबाट लोकतान्त्रिक समाजवादी पार्टीका जयप्रकाश ठाकुरले ९१३ मत प्राप्त गरेका हुन् । यस्तै प्रदेश तर्फ २ को ‘क’ मा जनमतका सतिश कुमार सिंहले ३ हजार ८ सय मतसहित पहिलो स्थानमा छन्।
जसपाका उम्मेदवार एवं मधेस सरकारका अर्थमन्त्री शैलेन्द्र प्रसाद साह १ हजार ८३२ मत ल्याएका हुन् । यस्तै, लोसपाका सरोज कुमार मण्डलले १ हजार ३९४ ल्याएर तेस्रो स्थानमा छन्।
सप्तरी २ को ‘ख’ मा जनमतकै महेश प्रसाद यादव ३ हजार ६७ मतसहित पहिलो स्थानमा छन् । पाँचदलीय गठबन्धनबाट माओवादी केन्द्रका उमेश कुमार यादव १ हजार ५३८ मत र जसपाका लक्ष्मण यादव १ हजार १८४ मत ल्याएका हुन्।
भर्खरै
लोकप्रिय
