माेरङ – प्रतिनिधि सभाको टिकट नदिएपछि नेकपा एमालेमा विद्रोह गर्दै स्वतन्त्र उम्मेदवारी दिएका योगेन्द्र मण्डलले मोरङ क्षेत्र नम्बर ५ बाट निर्वाचित भएका छन्।
कहटरी गाउँपालिकामा रहेको जीवन विकास संस्थाका सञ्चालक रहेका मण्डलले २१ हजार ८ सय २० मत हासिल गर्दै केन्द्रीय संसदको टिकट काट्न सफल भएका हुन्।
पाँच दलको सत्ता गठबन्धन र एमाले जसपाको गठबन्धनलाई चुनौती दिँदै प्रतिस्पर्धामा उत्रिएका मण्डलले ४ हजार ३ सय ३४ मतको अन्तरले जित सुनिश्चित गरेका हुन्।
एमालेबाट टिकट पाउने पक्का भएसँगै चुनावी दौडधुपमा होमिएका मण्डललाई पार्टीले मनोनयन दर्ताको केही दिनअघि मात्र जसपासँग तालमेल गरेको थियो।
त्यसपछि विद्रोह गर्दै स्वतन्त्र उम्मेदवारी दिएका मण्डलले मतगणनाको सुरुआतबाट अग्रता बनाउँदै जित आफ्नो पक्षमा पारेका हुन् ।
मतको अन्तिम परिणाममा सत्ता गठबन्धनतर्फ नेकपा माओवादी केन्द्रका उम्मेदवार शिवकुमार मण्डलले १७ हजार ४ सय ८६ मत पाएका छन्।
उनी दोस्रो स्थानमा सीमित भए । त्यसैगरी, जसपाको लागि महत्वपूर्ण चुनावी क्षेत्र मानिएको क्षेत्र नम्बर ५ मा उम्मेदवार राजकुमार यादव तेस्रो स्थानमा रहे।
जसपाका उम्मेदवार यादवले १७ हजार ३ सय ९० मत प्राप्त गरेका छन्। त्यसैगरी, यस क्षेत्रमा राप्रपाका उम्मेदवार रेवतबहादुर थापाले २ हजार ४ सय ७९ मत पाएका छन्।
भर्खरै
लोकप्रिय
