मोरङ २ को २ बाट एमाले उम्मेदवार लिलाबल्लभ अधिकारी निर्वाचित

मोरङ – क्षेत्र नम्बर २ को प्रदेश सभा २ बाट दोस्रोपटक नेकपा एमालेका उम्मेदवार लिलाबल्लभ अधिकारी निर्वाचित भएका छन्।

निर्वाचन अधिकृतको कार्यालयका अनुसार अधिकारीले १७ हजार ७ सय ५२ मतसहित जित निश्चित गरेका हुन्।

उनले गठबन्धनतर्फ काँग्रेसका विनोद कार्कीलाई २ हजार ८ सय मतान्तरले पराजित गरेका हुन्। कांग्रेसका उम्मेदवार कार्कीले १४ हजार ९ सय ५२ मत ल्याएको निर्वाचन अधिकृत नगेन्द्रकेशरी पोखरेलले जानकारी दिए।

उनका अनुसार सो क्षेत्रमा ६३ हजार ६ सय ७१ मतदाता रहेकोमा ४० हजार २ सय १३ मत खसेको थियो। जसमध्ये ३८ हजार ५ सय २८ मत सदर भएको छ भने १ हजार ६ सय ८५ मत बदर भएको निर्वाचन अधिकृतको कार्यालयले जनाएको छ।