मोरङ – प्रतिनिधि तथा प्रदेश सभा निर्वाचनका क्रममा मोरङको उत्तरी क्षेत्र चुनौतीपूर्ण रहेको छ।
जिल्ला प्रशासन कार्यालय मोरङका प्रमुख जिल्ला अधिकारी काशीराज दाहालले शनिबार निर्वाचन तयारीबारे आयोजित पत्रकार सम्मेलनमा भौगोलिक अवस्था र संरचनाका कारण मोरङको लेटाङ नगरपालिकाको बिकट क्षेत्रमा चुनौती सामना गर्नुपरेको बताए ।
निर्वाचनमा सहभागी नभएका दललाई समेत मतदानमा सहयोग पुर्याउन उनले अपिल गरेका थिए। यसक्रममा सेना, सशस्त्र, प्रहरी र म्यादी मतदानस्थलको सुरक्षार्थ खटिने उनले जानकारी दिए।
यस क्रममा मतदान र मतदाताको सुरक्षामा ६ सय ५० सेना, ३ हजार ६ सय १६ म्यादी, २ हजार ८२ प्रहरी र १ हजार ४५ सशस्त्र प्रहरी खटिनेछन्।
पत्रकार सम्मेलनमा निर्वाचनका लागि तयारी अन्तिम चरणमा पुगेको मोरङका मुख्य निर्वाचन अधिकृत दुर्गाप्रसाद ढुङ्गेलले जानकारी दिए।
मोरङमा ३ सय ६ वटा मतदानस्थल र ८ सय ३९ वटा मतदान केन्द्र रहने उनले बताए । मुख्य निर्वाचन अधिकृत ढुङ्गेलले बिराटनगरमा रहेको जिल्ला कारागार र बिराटनगर आदर्श पुस्तकालयमा समान एउटा मतदान केन्द्र रहने बताए ।
मोरङका ६ वटा निर्वाचन क्षेत्रका मतदान केन्द्रमा ६ हजार ७ सय १२ कर्मचारी खटिने खटिनेछन्।
पत्रकार सम्मेलनमा मोरङ क्षेत्र नम्बर १ को उर्लाबारी नगरपालिकाको कार्यालय, २ नम्बर क्षेत्रको रतुवामाई नगरपालिकास्थित विश्वनाथ मन्दिर, ३ नम्बर क्षेत्रको बेलबारी नगरपालिकास्थित भगवती मावि मा मतगणना हुनेछ । त्यसैगरि, मोरङ निर्वाचन क्षेत्र नम्बर ४,५ र ६ को मत गणना कार्य बिराटनगरको आदर्श बिद्यालयमा हुने मुख्य निर्वाचन अधिकृत ढुङ्गेलले जानकारी दिए।
भर्खरै
लोकप्रिय
