सात दिनभित्र उपस्थित हुन जयवीरलाई सम्पत्ति शुद्धीकरण विभागको पत्र

काठमाडौँ- सम्पत्ति शुद्धीकरण अनुसन्धान विभागले पूर्वप्रधानमन्त्री शेरबहादुर देउवाका छोरा जयवीर देउवाको नाममा हाजिर हुन सूचना जारी गरेको छ।

विभागले जारी गरेको सूचनामा सम्पत्ति शुद्धीकरण सम्बन्धी अनुसन्धानका क्रममा जयवीर देउवासँग केही कुरा बुझ्नुपर्ने भएकाले सूचना प्रकाशित भएको मितिले बाटोको म्यादबाहेक सात दिनभित्र विभागको कार्यालयमा उपस्थित हुन भनिएको छ।

साथै, म्यादभित्र हाजिर हुन नआएमा प्रचलित कानुन बमोजिम कारवाही गरिनेसमेत उल्लेख गरिएको छ।