- अर्थमन्त्री वाग्लेले कर दरमा अनियमितताको आरोपलाई प्रमाणसहित पुष्टि गर्न विपक्षीलाई चुनौती दिएका छन्।
- दुई अर्ब होइन, दुई रुपैयाँको पनि अनियमितता प्रमाणित भए सार्वजनिक जीवन त्याग गर्न तयार रहेको भने।
- सार्वजनिक जीवनमा सबैले उच्च नैतिकता र जवाफदेहिता कायम राख्नुपर्ने वाग्लेले औँल्याउँदै आर्थिक निर्णयलाई उचित बताएका छन्।
काठमाडौँ- विपक्षीहरुले करका दरमा अर्थमन्त्रीले चलखेल गरेको आरोप लगाइरहेका बेला अर्थमन्त्री स्वर्णिम वाग्लेले प्रमाणित गर्न कडा चुनौती दिएका छन् ।
सांसदको सार्वजनिक लेखा समितिको बैठकमा अर्थमन्त्री वाग्लेले कसैले अनुचित लाभ लिन हतारमा सवारीसाधन भित्र्याएको वा राजश्वमा क्षति पुर्याएको आरोप लगाउने हो भने त्यसका प्रमाण सार्वजनिक गर्न चुनौती दिएका हुन् ।
समिति सदस्यहरुले दुई अर्व चलखेल भएको बताएपछि उनले दुई अर्ब मात्रै नभई होइन, दुई रुपैयाँ बराबरको बदमासी भएको प्रमाणित भए सार्वजनिक जीवन त्याग्न तयार रहेको घोषणा गरे ।
उनले भने,‘कर बढ्दै छ भनेर सूचना दिएको छ भन्ने ननसेन्स ! कुरा हो । त्यसको प्रमाण प्रस्तुत गरियोस् । दशौँ करोड घाटा हुने गरी कसैले हतारहतार गाडी पास गर्यो भने त्यसको प्रमाण लिएर आउनुस् । कुनै कागजी प्रमाण होला, कुनै सञ्चार वा पत्राचारका विवरण होलान्, ती सबै लिएर आउनुस् । म त कठघरामा उभिन तयार छु । अरब–खर्बको कुरा जथाभावी गरिएको छ । दुई अर्ब होइन, स्वर्णिम वाग्लेले दुई रुपैयाँ बराबरको पनि कुनै बदमासी गरेको छ भने, म अर्थमन्त्री मात्र होइन, सांसद मात्र होइन, सार्वजनिक जीवन नै त्याग गर्न तयार छु । यो मेरो चुनौती हो ।’
उनले सार्वजनिक जीवनमा रहेका सबै व्यक्तिहरूले समान स्तरको नैतिकता र जवाफदेहिता कायम राख्नुपर्ने आवश्यकता पनि औँल्याए । बजेट र कर नीतिसम्बन्धी निर्णयहरू आर्थिक सिद्धान्त, प्रगतिशील कर प्रणाली तथा दीर्घकालीन आर्थिक हितलाई ध्यानमा राखेर गरिएको उनको भनाइ छ ।
भर्खरै
लोकप्रिय
