काठमाडौँ- नेकपा एमालेका अध्यक्ष तथा पूर्वप्रधानमन्त्री केपी शर्मा ओलीको पित्तथैलीमा रहेको २२ एमएमको ढुंगा सफल शल्यक्रियामार्फत निकालिएको छ।
डा. पलेस्वाँ जोशी लाखेको नेतृत्वमा रहेको चिकित्सक टोलीले उक्त शल्यक्रिया सम्पन्न गरेको हो।
चिकित्सकहरूका अनुसार शल्यक्रिया सफलतापूर्वक सम्पन्न भएसँगै ओलीलाई निगरानीका लागि आईसीयूमा सारिएको छ र हाल उनी अस्पतालमै उपचाररत छन्।
यसअघि, जेनजी आन्दोलनमा दमन गरेको आरोपमा पक्राउ परेपछि ओलीलाई त्रिवि शिक्षण अस्पतालमा भर्ना गरिएको थियो। उनकी पत्नी राधिका शाक्यले ले गैरकानुनी हिरासतको आरोप लगाउँदै सर्वोच्च अदालतमा बन्दी प्रत्यक्षीकरणको निवेदन दिएकी थिइन्।
सर्वोच्च अदालतले २६ चैतभित्र अनुसन्धान टुंग्याउन आदेश दिएको थियो र समयमै अनुसन्धान नसकिएपछि शर्तसहित रिहा गर्न निर्देशन दिएको थियो। सोही आदेशअनुसार प्रहरीले ओलीलाई उनकी पत्नीको जिम्मा लगाएको थियो।
रिहा भएपछि पनि स्वास्थ्य अवस्थाका कारण शल्यक्रिया आवश्यक भएकाले उनी अस्पतालमै बसेर उपचार गरिरहेका थिए।
भर्खरै
लोकप्रिय
