बाजुराका तीन सय दलित परिवारलाई पहिरोको जाेखिमबाट मुक्त गर्न माग

काठमाडौँ — नेकपाका सांसद गणेश विकले बाजुरा जिल्लाका विभिन्न क्षेत्रका तीन सय भन्दा बढी दलित परिवार पहिरोको उच्च जोखिममा रहेको भन्दै उनीहरूको तत्काल स्थानान्तरण गर्न माग गरेका छन्।

बिहीबार प्रतिनिधिसभाको शून्य समयमा विकले बाजुराको बडीमालिका नगरपालिका र स्वामिकार्तिक गाउँपालिकाका दलित बस्तीहरू लामो समयदेखि पहिरोको त्रासमा बाँचिरहेको भन्दै सरकारको ध्यानाकर्षण गराए।

उनका अनुसार बडीमालिका नगरपालिका वडा नं ७ तलगाउँ, भुगाडीपाटा र सिराडी टोलका करिब दुई सय ८५ दलित परिवार जोखिममा परेका छन्। त्यस्तै स्वामिकार्तिक गाउँपालिका वडा नं १ का करिब ३५ दलित घरपरिवार पनि समस्या छन्।