मोरङ – कोशी प्रदेशको आर्थिक वर्ष २०८३÷०८४ को बजेट पारित भएको छ।
विराटनगरस्थित प्रदेश सभा बैठकमा सरकारले ल्याएको ४० अर्ब ४४ करोड ९८ लाख रुपैयाँँभन्दा बढीको बजेट बुधबार सर्वसम्मत रुपमा पारित भएको सभामुख अम्बरबहादुर विष्टले घोषणा गरे।
सरकारले प्रस्तुत गरेको बजेटमध्ये चालुतर्फ १३ अर्ब ९७ करोड ६३ लाख रुपैयाँ र पुँजीगततर्फ २० अर्ब ७५ करोड ९९ लाख रुपैयाँँ विनियोजन गरिएको छ।
त्यसैगरी, वित्तीय व्यवस्थापनतर्फ १५ करोड रुपैयाँ राखिएको छ। बजेटको सन्दर्भलाई लिएर सत्तारुढ दलहरूकै सांसदहरूको असन्तुष्टिका बावजुद पारित गरिएको हो। गत असार १ गते प्रदेशका आर्थिक मामिला तथा योजना मन्त्री विदुरकुमार लिंथेपले प्रदेश सभामा बजेट पेश गरेका थिए।
त्यसयता प्रदेश सभा बैठकमा बजेटबारे छलफलका क्रममा सांसदहरूले असन्तुष्टि जनाउँदै आएका थिए। बजेटका सन्दर्भमा सत्तापक्षीय सांसदहरूले बजेट पूर्नलेखन गर्नुपर्ने जनाँउदै आएका थिए।
यसक्रममा उनीहरूले हस्ताक्षर अभियान नै अघि बढाएका थिए। प्रदेश सभामा पेश गरिएको बजेटले सत्तामा रहेका मुख्यमन्त्रीदेखि मन्त्रीले आफ्नो निर्वाचन क्षेत्रमा केन्द्रित गरेको आरोप रहेको थियो।
भर्खरै
लोकप्रिय
